على حروف الوطن ماخافوا الانذال

على حروف الوطن يرخص الغالي يهون موذبان هذا وتكدر تنشه
على حروف الوطن الداسوه الامريكان ياوطن اجوك ودورو الحرشه
داسو كاعك وداسوك وية الكاع ودمك بالغضب الهم تفرشه
الوطن هذا الوطن موابن لو املاك ملك هذا الوطن ومحصن بعرشه
وطن بس الوطن مابيه تلث حروف واو وطاء ذني والنون تتغشه
تلث حروف ذني شويه ماكو حروف بس شوف انته معنى وبيهن تمشه
الواو واو العطف هذا شسوي للمعطوف هيبه ومفخره ومعنى الوطن امي
والطاء طيبه وخير والمعنى الوطن والد يعني امي وابوي ويجري بدمي
والنون نون الجمع مافرقت فد يوم يعني ابن الوطن يجمع بهمي
يعني الوطن مسند بساعة الشدات وهسه الوطن بالشدات مدمي
وذا مانوكف احنة الوطن راح يضيع واذا مو ايد وحده اعله الوطن سمي
سني او شيعي كالوا ماسمعنه بهاي من ساعه الفتنه وهذا حد علمي
مسيحي وكردي كالوا عرب هاي افلام زرعوها الفتن بيني وابن عمي
ماكالوا عراقي وجمعوها الناس سووها طوائف تاكل ابلحمي
على حروف الوطن بس وينه ماكو حروف شوياهو اليجي بس يريد يتعشه
على حروف الوطن داسوا وماهو الخوف وخلو للوطن جاروشه وتجرشه
على حروف الوطن ماخافوا الانذال وشوياهو اليجي بس يترس بكرشه
ومن هاي النماذج شفنه حيل هواي مايشبع لحد مايرفع نعشه
على حروف الوطن لازم انصير دروع ونجمع ايدينه بساعة الشده
على حروف الوطن خل نرفع الرايات على حروف الوطن خل دمنه النفرشه

» تحت عنوان "معرض الوطن في عيون الفوتوغرافيات".. وزارة الثقافة والإعلام تنظم مسابقة للمصورات السعوديات لدعمهن واكتشاف مواهب فنية جديدة وتنمية حس الانتماء للوطن..!