شعر في حب الحسين

حب الحسين



فرق بين الثريه اومعدن الكاع

مثل فرق الشوارب تركب الفزه

اوفرق مابين موته الموت يتعناك

وفرق مابين تتعناه وتهزه

الحسين اتعنه يدري الموت

حتى الموت كام اوشارته اتعزه

بالعباس والعباس يومن راح

شرب من الفرات اورد ذكر بزه

الحسين

الحسين الدين والتاريـــــــــــخ

ختـــــــــــــــــم اكلوبنه ايفرزه



الحسين الدم تماوج والسمه اكلوبات

يلن بسمة محمد واضحه ابوجهه

لبس لون الدمه اودشداشة المحروم

وسيوف الكــفر بجفوفه من ردهه

خسر ظلمــك يزيد اوصار ظلمة ليل

ظلمه اولاكدر واحـــــد يطبـــــــــــــهه

اوصبح دم الحســين اتكول شلالات

بشر ينده بشر لفعاله ويعدهـــــــــــــه





بسمك ياحسين انداوي كل مجروح

وبحضرتك كل اهمومنه انذبهه

ارتعش وجه الصبح من نايبات البيك

فصلهه اعله روحه اوطلع من كدهه

انه من امر ابحضــــرتك مهضوم

ارموشي اتكوم دمعه اوتحفر ابخدهه



اذا ما شـــــيل نور الله اوازور احسين

اظل فاكد حياتي او مــا اوجدهه

لان حيدر علي الكــــرار داحي الباب

وبسيفه الكفر كل ساعه رابدهه

لان مهد الشجاعه اوراية الاسلام

من جـــــــــــــــــف الابو لحسين سلمهه